ما هو رأيك بالمرأه المطلقه و الرجل المطلق؟؟؟؟؟

ما هو رأيك بالمرأه المطلقه و الرجل المطلق؟؟؟؟؟

السلام عليكم ورحمة الله وبركاته

أخوتي وأخواني الكرام
ظاهرة موجوده ولا يمكننا نكرانها الا وهي الطلاق
و لكن طلاق المرأه يختلف اختلاف كلي عن طلاق الرجل في مجتمعنا الشرقي
فالمرأه المطلقه عبء كبير على المجتمع فيبدا الناس بالتحدث عنها بالسيء واطلاق الاشاعات و الحديث البشع و هذا فقط لانها أنثى و أمر زواجها مرة ثانيه احتماله ضئيل و اذا تزوجت تاخذ رجل متزوج أو أكبر منها وانا اتحدث هنا عن معظمهن
أما الرجل ففي مجتمعنا الشرقي يعود للتمتع بحياته المرفه و يبحث عن عروس جديده تكون(بنت) طبعا فهو لا يقبل الا بذلك و المجتمع يقف الي جانبه ويدعمه.
هذه هي الحقيقه
الامر الذي يحصل دائما
لماذا لا نسأل انفسنا لماذا؟
ألاننا اعتدنا هذا الامر منذ ولادتنا ام هي الاعراف والتقاليد
ارجو منكم المشاركه ووضع ارأكم في هذا الموضوع وشكرااااااااااااااا

رجاااااء:
ارجو منكم عدم الحساسيه من الموضوع و حديثي هكذا عن الرجل المطلق ولكن أظن ان هذا هو الوضع

••
••

أولاً : مشكوور إخوي شبيه الريح عالموضوع ..

ثانياً :حنا عندنا عرف إن الرجال شايل عيبه على قولتهم ومجتمعنا الشرقي ينظر للمرأه المطلقه

بنظره ماهي حلوه يعني أول شي بيقولوا لومافيها شي مابيطلقها ...ويبدأ الكلام عالبنت شي صار

وشي ماصار ..

طيب ليش مايقولوا إن الرجال هو السبب في الطلاق >> طبعاً قليل اللي يقولوا إنهم ماتفقووا مع

بعض أو إن هي ماتناسبه أو العكس ..

أتمنى إن تفكير الناس بها الطريقه يتغير...

وسالفة إن المطلقه إحتمال زواجها ضئيل أنا برأيي ومن اللي أشوفه إن أكثر البنات اللي يتطلقوو

يرجعوو يخطبوهم على طول بعد الطلاق >> هذا بالنسبه لفترة الملكه ..

وأكثر المطلقات أشوفهم عايشين حياتهم ومنهم اللي عندها وظيفه ومنهم المدرسه وغيرهاا..

طووولت عليكم بس هذا رأيي

يعطيك ألف عافيـهـ ..

تقبل مروري ...

كـل الـود ..

••
••

تـسـلـم أخـووي عالـطرح..
مـثـل مـا قـالـت أختي أتووه ((الرجال شايل عيبه))
أنا لاحظت شي..معظم النااس في اعتقاادهم ان الرجاال أي شي يسويه صح حتى لو كاان خطأ وفي النهاااية كل شي يطيح على رااس المرأة..
ويقولوا بعد ان البنت لو مافيهاا شي ما طلقهاا ولو مو مسويه له شي ما طلقهاا....الخ.
ولو بنظل ورا كلام الناااس اللي ماتفهم ما رااح نعيش..
وأخيرا أحب أقوول مقوله خطيرة ((طنش تعش تنتعش))
وعلى فكرة أنا هذي المقوله قدوتي في الحياااة<<<ههههههههه..
تحياااتي..

( الرجال شايل عيبة ) و هذه هي المصيبة

لا و المصيبة الأعظم إن لو كان على الرجال قضية أخلاقية

ينقال لو ما بنات بليس لعبوا بعقلة ما سوى كده

طيب هو ماعنده عقل وين عقله

و الله أني أقول( الرجال شايل عقله )>>>>>>> طبعا مو الكل

بس عن جد مجتمعاتنا ظالمة المطلقات

طيب هي وش ذنبها

أخوي أي أعراف و أي تقاليد إذا كان رب العباد حلل الطلاق

طيب لو زوجين ما ارتاحو مع بعض و تطلقوا وين الغلط مو أحسن من يعيشوا حياتهم كلها مو قادرين يتكيفوا

وش فايدة الحياة بدون سعادة و بدون أمان و بدون حب

أصلا كيف نقدر نسميها حياة

الله يعين المطلقات و يرزقهم نصيب أحسن من نصيبهم

و يحميهم من كلام الناس إلي ما يخلص

و تسلم أخوي على الطرح الجرئ

لك خالص تحياتي و أحترامي

: بياعة مشامر

مرااااااحب..
تسلم اخوي شبيه الريح على الموضوع..
احس ان سالفة المراه المطلقه سالفه قديمه وللحين ماحد يقدر يتكيف معاهاااا
وشفيها المراه المطلقه ؟؟؟ بس لانها مطلقه ماندري ويش سبب طلاقها
بس الناس تطلع كلام وتصدقه ..ليش مايخافون على بناتهم يمكن في يوم من الايام تنحط في هالموقف الله يستر علينا وعلى كل بنت..
ومشكووووور على الموضوع مره ثانيه
تحياااااتي

العفوووووووووووووووووووو

وشاكر تواجدكم الرائع ومروركم العطر وتنويركم للموضوع

وشاكر إبداء آرائكم

تحياتي

شبيه الريح

شبيه الريح

كل الشكر لطرحك لموضوع حساس مثل هذا

انا اقولك ان الرجال مثل ماقالوا خواتي ينقال شايل
عيبه يعني لو شنو يسوي مستحيل احد يحاسبه
والكل يوقف في صفه بس البنت تقوم الدنيا ومااتقعد
لان ايش تطلقت طيب منو سبب طلاق هالبنت غير
هالرجال اللي انتوا دايم واقفين في صفه
ماننكر ان احيان البنت تكون منها الغلط عشان كذا
زوجها طلقها ومانبي نظلم الرجال
بس في بنات واجد انظلموا وطلقوهم ازواجهم رغم
انهم صانوهم وحفظوهم وماقصروا في حقهم او حق
اهلهم بشي ابد وفي النهاية جازاها بالطلاق
وفي النهاية الناس يجون يقولون وش فيها ليش طلقها
اكيد مسوية شي بس الله فوق كل ظالم
والناس مستحيل تفهم هالشي ووش شعور هالانسانة
المطلقة الا لمن ينصابون بهالشي والله لا يضر
احد يارب والله يوفق الجميع بس الناس من يومهم
شاطرين بس في الكلام على فلانة وعلانة

كل الشكر واسفة اخذت راحتي واجد بس حبيت ابدي
رايي

شكرررررررررا على الموضوع زي كذا
يعني انالسه صغيرا شوي بس بنسبه لي انا الرجال لو ايش يعمل عادي ايزي لحياه مستمرة وياخذ 1 و 2 و3 و4 >> هذا الحدالنهائي خخخخخ لو ماشرع كان اخذ اكثر
اما البنت المطلقه توقف عليها الدنيا ولأحد يبغاها ولازم يعني تحقد على نفسها عشان الناسات يرضوا Very Happy

خخخخخ وبص ويصلموا على مواضيعك الأكثر من حلوه

شاكر مروركم الرائع وتواجدكم العطر

أنرتم متصفحي وأسعدني تواجدكم

تحياتي

شبيه الريح